Stoltenberg ser fram til samarbeid med Reinfeldt
New York (NTB): - Eg ser fram til å samarbeide med ei ny svensk regjering og ein ny svensk statsminister. Noreg og Sverige har alltid hatt nære relasjonar, og det er eg sikker på at vi også kjem til få med den nye svenske regjeringa, sa Stoltenberg til NTB natt til måndag.
Då var det klart at den borgarlege alliansen under leiing av Fredrik Reinfeldt går av med sigeren i valet i Sverige, og at statsminister Göran Persson trekkjer seg.
Stoltenberg ønsker ikkje å seie for mykje om kva som kan ha ført til dei svenske sosialdemokratane sitt valnederlag, men peikar på at Persson har sete lenge ved makta.
- I vår tid er ti år ein lang periode. Då vil det ofte bli eit ønske om eit skifte for skiftets skuld, seier Stoltenberg.
Den norske statsministeren meiner Göran Persson kan vere stolt over det han har vore med på skape i Sverige i løpet av åra han har sete ved makta. (©NTB)