Speleavhengige flyktar frå automatar til nett
Artikkelen fortsetter under annonsen
Artikkelen fortsetter under annonsen
(NPK): Tal frå Lotteritilsynet viser at omsetnaden på tradisjonelle speleautomatar er redusert med 35 prosent sidan forbodet mot å bruke setlar vart innført. Samtidig melder selskapet NorgesAutomaten om ein auke på 140 prosent frå juli til august.
Selskapet har teke konsekvensen av regelendringane og etablerte seg på internett i juni med dagens speleautomatar i nettutgåve. Desse «skjermautomatane» har hatt ein omsetnad på 15 millionar sidan oppstarten, skriv VG.
- Med denne utviklinga reknar vi med at spelet omset for 200 millionar kroner neste år, seier pressekontakt Bjørn Honerud Grene i NorgesAutomaten.
Lotteri- og stiftingstilsynet er skuffa over at nettspel rekrutterer nye spelarar og kallar NorgesAutomaten for kynisk. (NPK)