Verdas første robotkvinne
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Dette er ikkje Claudia Mitchell. Dette er slik vi hittil har sett føre oss at ei robotkvinne kan sjå ut. (Foto: grandrivertoys.com)
For to år sidan miste Claudia Mitchell (26) den eine armen si i ei motorsykkelulykke.
Denne veka sørgde kirurgar ved Rehabilitaion Institute i Chicago for at ho fekk ei protese ho kan styre via sin eigen hjerne, skriv den danske avisa
Berlingske Tidende
.
Nervane levde
Knoklar og musklar var borte, men nervane var i live og sende beskjedar til den mista armen om kva han skulle gjere, forklarte dr. Todd Kuiken frå instituttet då han presenterte resultata.
Nervane sende og av gammel vane impulsar frå den mista armen til hjernen. Desse overrivne nervane har no blitt kobla til protesa som er styrt av seks elektromotorar.
Gjer som eg vil
- Eg tenkjer at eg skal åpne handa, og så skjer det. Eg vil senkje albogen, og då går han berre ned, forklarte Mitchell sjølv under presentasjonen.
Claudia Mitchell er som ein kan skjøne svært glad for å gjere ting ho aldri trudde ho skulle få gjere igjen.
Den nye arma hennar er utvikla som ein del av eit program som fekk bevilga fem millionar dollar i fjor.
