Russisk sentralbanksjef skoten og drepen

Russlands visesentralbanksjef Andrey Kozlov døydde torsdag morgon, etter at han onsdag blei skoten av væpna attentatmenn.

Denne artikkelen er over ett år gammel og kan innholde utdatert informasjon

(Foto: kommersant.com)(Foto: kommersant.com)

Moskva (NTB-Reuters): Kozlov har lenge vore forhatt i lyssky finanskretsar.

Kozlov (41) leiar den russiske bankinspeksjonen, og har drive ein hard kampanje for å rydde opp i det rufsete russiske bankvesenet som voks opp etter Sovjetunionens fall, blant anna med krav om stengning av bankar som var skulda for kvitvasking av pengar.

Han blei angripen av menn med automatvåpen etter ein amatør - fotballkamp mellom banktilsette onsdag kveld. Sjåføren hans blei drepen, medan Kozlov sjølv blei kritisk såra. Han blei operert natt til torsdag, men tilstanden etter operasjonen var framleis kritisk, opplyser sykehuskjelder.

Han døydde på sjukehuset torsdag morgon, opplyser sykehuskjelder til nyhetsbyrået Interfax.

Politikilder seier attentatet kan sjå ut som eit forsøk på kontraktdrap, men vil ikkje spekulere over kven som eventuelt hadde leid folk til å drepe Kozlov.

- Vi ser på alle moglege forhold, blant anna dei profesjonelle aktivitetane hans, moglegheita for forveksling, og personlege forhold, seier statsadvokat Juri Sjomin i Moskva til Interfax. (©NTB)

Les meir nynorsk i Neste Klikk:


Aktuelt
Helse og samliv
Konkurransar
Kultur
Mat og drikke
Moro
Dyr
Forbruk(ar)
Nett og teknologi
Næringsliv
Reise og oppleving



Mer fra ABC Nyheter
Siste fra forsiden

Velkommen til debatt

ABC Nyheter ønsker velkommen til debatt om det meste. Men vi krever at du er saklig og viser respekt for menneskene sakene handler om og dine meddebattanter. Regler for kommentering finner du her.

Tor Strand, redaktør.

comments powered by Disqus