Straumprisen stuper
Oslo (NTB): Regnvêr med mulegheiter til veksande vassmagasin og ein snarleg auka svensk atomkraftproduksjon presser prisane nedover, skriv Finansavisen.
Spotprisen i den nordiske marknaden har falle med 29 prosent frå toppnoteringa på kraftbørsen Nordpool på 64,67 øre måndag 28. august, og ned til 50,1 øre for levering tysdag 5. september.
Det er likevel langt ned til prisnivået frå i fjor. Spotprisen for Norden var på dryge 26 øre ved utgangen av august i fjor.
Kraftanalytiker Lasse Torgersen i Econ Analyse seier til Finansavisen at regnet dei siste dagane gjer at trua på eit normalår stig.
Dessuten kan meir svensk atomstraum lette på situasjonen når atomkraftverket Ringhals igjen har alle fire reaktorar i drift 13. september etter ein omfattande stans på grunn av planlagt vedlikehald.
(©NTB)