Japanar terroriserte telefonoperatørar
Ein japanar med sansen for «snille» kvinnelege operatørstemmer vart arrestert denne månaden, etter å ha gjennomført ein drøss med telefonsamtalar.
37.760 telefonsamtalar, for å vere presis.
«Silent Calls»
Den 44 år gamle mannen ringde nemleg opptil 905 gonger dagleg til telefonselskapet sine operatørar, melder Yahoo News.
Men då operatørane svara, sa mannen ingenting.
Hyggjelege operatørar
Til politiet forklarte mannen årsaka til den enorme mengda samtalar slik:
- Då eg ringde for å klage ein gong, var operatøren så veldig hyggjeleg, så eg ønska å høyra dei kvinnelege stemmane igjen.
Og igjen, og igjen…
Psykisk stress
Politiet trur at samtalane kan ha gitt meir enn 100 operatørar psykisk stress.
Kanskje nokon hadde gløymt å fortelje han at dei hyggjelegaste samtalene gjerne er dei som begge partane synest er hyggjelege?