Prikkbelastning stoppar ikkje grisekjørarane
(NPK): Systemet er lagt opp slik at lappen ikkje ryk med det same den åttande åttande prikken er eit faktum.
- I teorien kan enkelte kjøre med åtte prikkar i månader og år. Nokon kan kjøre med både ni og ti prikkar, stadfestar politiinspektør Jan Guttormsen i Politidirektoratet overfor Aftenposten.
Årsaka til at folk kan halde fram med å kjøre rundt med åtte prikkar, er at prikkane ikkje blir registrerte før ein har fått ein dom eller eit rettskraftig vedteke førelegg der det går fram at førarretten går tapt.
Difor tek det tid frå ein sjåfør pådreg seg prikkar til dei blir registrerte, seier Guttormsen.
Prikkbelastning vart innført den 1. januar 2004 som reaksjon overfor førarar som stadig bryt regelverket. Med åtte prikkar over ein treårsperiode skal førarretten dragast inn for seks månader. (NPK)