Meir trøyst i TV enn i mor
Artikkelen fortsetter under annonsen
Artikkelen fortsetter under annonsen
(NPK): Teiknefilmar gjev betre trøyst enn sjølv mor kan gje, viser ein ny italiensk studie.
Studien testa ut i kva grad teiknefilmar på TV kunne fungere som smertelindrar når 7-12-åringar skulle ta blodprøve. Dei som såg TV, opplevde halvparten så mykje smerte som dei som vart trøysta av mor.
Carlo Bellieni ved universitetet i Siena i Italia, som er hovudmannen bak studien, seier til avisa USA Today at resultata er urovekkjande.
- Makta til fjernsynet er sterk og kan vere skadeleg for barn dersom ho er sterkare enn det mor kan utrette for å distrahere barna. Eg trur denne makta må kontrollerast og reduserast, seier Bellieni. (NPK)