Meny

Britisk narr dansa 160 kilometer

Denne artikkelen er over ett år gammel og kan innholde utdatert informasjon

Storbritannias fyrste offentleg tilsette narr på over 350 år hoppar og sprett på veg til jobben.

Narren var frå gammalt av ein viktig person ved kongar og fyrstar sine hoff, med rett til å snakke høgt og refse herren sin der andre helst tagde. No har Storbritannia igjen skaffa seg ein offentleg tilsett narr, som feira tilsetjinga med ein dansetur på 160 kilometer. Peet Cooper, eller Peterkin the Fool som han kallar seg, fekk jobben etter ein hard konkurranse med blant anna sjonglering på programmet (Foto: Mike Finn-Kelcey, SCANPIX/REUTERS)Narren var frå gammalt av ein viktig person ved kongar og fyrstar sine hoff, med rett til å snakke høgt og refse herren sin der andre helst tagde. No har Storbritannia igjen skaffa seg ein offentleg tilsett narr, som feira tilsetjinga med ein dansetur på 160 kilometer. Peet Cooper, eller Peterkin the Fool som han kallar seg, fekk jobben etter ein hard konkurranse med blant anna sjonglering på programmet (Foto: Mike Finn-Kelcey, SCANPIX/REUTERS)

London (NTB-AFP): Peterkin the Fool, eller Peet Cooper som han eigentleg heiter, har fullført ein 160 kilometer lang dans i embets medfør.

Han la i veg frå Bristol vest i England 12. juli, og var onsdag framme i Northampton midt i landet. Ferda skjedde etter historisk førebilete, for i 1599 dansa William Shakespeare sin skodespelarkollega Will Kemp på same måte fra austengelske Norwich til London.

- Kemp var den finaste av Shakespeares komiske skodespelarar, men samarbeidet blei brote i 1599. Kanskje han fortalde ein prompevits for mykje, seier narr Peterkin, som klagar over ei mengd vassblemmer etter maratondansen.

- Eg trur narren er ein personlegdom som bur djupt nede i oss alle. Vi er veldig gode til å vere viktige eller pompøse, og narraktigheit er den rette måten å kvitte seg med slikt på, framheld Peet Cooper.

Det ærverdige embetet som hoffnarr blei avskaffa etter puritanarane sin
siger i den engelske borgerkrigen i 1649. No er det altså vekt til live, riktig nok ikkje i hoffet sin regi men etter initiativ frå organisasjonen English Heritage, som ivaretek engelsk kulturarv. (©NTB)

Les meir nynorsk i Neste Klikk:


Aktuelt
Helse og samliv
Konkurransar
Kultur
Mat og drikke
Moro
Dyr
Forbruk(ar)
Nett og teknologi
Næringsliv
Reise og oppleving



Populært

Velkommen til debatt

ABC Nyheter ønsker velkommen til debatt om det meste. Men vi krever at du er saklig og viser respekt for menneskene sakene handler om og dine meddebattanter. Regler for kommentering finner du her.

Tor Strand, redaktør.

comments powered by Disqus