Plan om å sprengje fly avslørt i Storbritannia
London (NTB-Reuters): Avsløringen av angrepsplanene har ført til at trugselnivået er heva til kritisk i Storbritannia, noko som betyr at eit åtak kan forventast når som helst, opplyser tryggleikspolitiet.
Planen skal ha vore å sprengje eit fly medan det var i lufta mellom Storbritannia og USA, og politiet har arrestert fleire personar i
London-området. Personane skal ha hatt planar om å smugle med seg bomber om bord i eit fly i handbagasjen.
Flyselskapet British Airways har innført forbod mot å ta med handbagasje på dei av selskapet sine fly som forlét Storbritannia. Ifølgje British Airways er tiltaket sett i verk etter krav frå styresmaktene.
Tryggleiken er styrka på britiske flyplassar som følgje av avsløringa.
Etterforskinga av åtakssplanane har ifølgje politiet gått føre seg i ein månad.
(©NTB)