Vikarar i helsevesenet bidreg til smittespreiing
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: res2.agr.ca)
Oslo (NTB): Stadig fleire jobbar deltid fleire stader, og helsepersonell sjonglerer mellom ulike sjukeheimar, omsorgsbustader og sjukehus, ifølgje Dagsavisen.
Dette kan føre til smittespreiing, og smittevernetaten i Oslo er bekymra over bruken av innleigde vikarar.
Overlege Bjørg Marit Andersen ved Ullevål Universitetssykehus åtvarar etter mange utbrot av den multiresistente bakterien MRSA. MRSA er ein type gule stafylokokker. Dei lar seg vanskeleg behandle med antibiotika.
- Ikkje berre MRSA, men også andre farlege sjukdommar blir spreidde ved at helsepersonell har «nomade-jobbing» ulike stader. Ein kan bere sjukdommen utan å vere sjuk sjølv, seier Andersen til Dagsavisen.
- Sjølv tilsynelatande uskuldige mikrober kan vere dødelege om dei vert overført til svekka eldre, seier ho. (©NTB)