Sju meter prevensjon
(NPK): Byggverket er meint som eit bilete på at stadig fleire nordmenn får kjønnssjukdomar. Målet er å få ungdom til å bli flinkare til å bruka prevensjon.
- Under 20 prosent av dei unge i Noreg brukar kondom første gongen dei har sex med ein ny partnar. I dei fleste andre europeiske land er talet 60 til 80 prosent, seier Alexander Vallestad, leiar i Røde Kors Ungdom.
Betre informasjon og gratis kondomar
Barnekonvensjonen slår fast at ungdom har rett på god seksualopplysing. Røde Kors Ungdom meiner skulen sviktar på dette området.
- Seksualundervisninga på skulen er ein vits, seier Vallestad. Røde Kors Ungdom krev betre seksualundervisning og automatar med gratis kondomar der ungdom ferdast.
- No blir det kvart år brukt fleire titals millionar kroner på å behandla noko som er enkelt å førebyggja. Det er rett og slett for dumt, seier Vallestad, som krev at helseministeren gjer noko med saka. (NPK)