Ikkje heilt som planlagt
Dei to bankranarane som slo til mot The Bank of America på torsdag feila totalt, melder St. Petersburg Times.
Skapa merksemd
Søppeltømmaren Uwe Scherruble var opptatt med å lesse søppel på den blå søppelbilen sin, då han la merke til ein uvanleg syklist som tråkka forbi.
Syklisten hadde nemleg
raud motorsykkelhjelm, blå regnjakke og hagehanskar
på seg.
Også andre la merke til den uvanleg kledde fyren.
Lenger borte i gata stoppa syklisten for å prate med føraren av ein raud bil. Deretter tråkka han vidare.
Slo til
Syklisten stoppa no utanfor banken, gjekk inn og trakk fram ein pistol. Han kom seg opp på disken, fekk vekk betjeninga og byrja å fylle ein svart sekk med pengar.
Etterpå kom han seg ut frå banken fortare enn svint.
Handla raskt
Då ranaren kom syklande tilbake, la søppeltømmaren merke til han igjen. Denne gongen var det
den raude røyken som kom ut av sekken hans
, som fanga interessa hans.
Søppeltømmaren la to og to saman, og kom fram til at den raudhjelma mannen måtte ha rana nokon.
Han såg på syklisten medan han lessa utbyttet om bord i den tidlegare nemnde raude bilen.
Søppeltømmaren handla raskt, og bestemte seg for å stoppe ranerane.
Smadra fluktbilen
I beste fjernsynstil moste søppeltømmaren fluktbilen ved hjelp av søppelbilen sin. Dermed vart bilen smadra og hjula punkterte.
Ranaren byrja febrilsk å prøve å få seg sjølv og bilen unna, noko som gjorde andre bilistar urolege for om han kom til å komme borti deira bilar. Dermed vart politiet varsla.
Kom seg unna
Til tross for tapre forsøk, kom den eine av dei to ranerane seg unna. Men ransutbyttet la han att etter seg...
Skulle rømlingen forsøke seg igjen, veit i allefall politiet kva dei skal sjå etter: ein middelaldrande mann i blå regnjakke, raud motorsykkelhjelm og hagehanskar.
Ja, hvis han ikkje har lært av denne episoda, då.
Meir i Neste klikk:
Andre ranshistorier
Moro på nynorsk
og bokmål.