Milliardær får mest i jordbruksstøtte

Milliardær og godseigar Carl Otto Løvenskiold får mest jordbruksstøtte av alle som får landbruksstøtte.

Denne artikkelen er over ett år gammel og kan innholde utdatert informasjon

(Foto: styreakademiet.no)(Foto: styreakademiet.no)

(NPK): Dette er mellom anna det som går an å lesa av ei liste over produksjonstilskot til bønder som no er offentleggjort for fyrste gong.

Nationen skriv at i fylgje lista får Løvenskiold over 1,355 millionar kroner i støtte for landbruksverksemda si. Løvenskiold har ein formue på 2,1 milliardar kroner. I tillegg til å driva landbruk og skogbruk, eig han mellom anna Maxbo-kjeden. Sjølv seier godseigaren at han ikkje visste at han fekk så mykje landbruksstøtte, og heller ikkje at det fanst ei slik liste.

Gjennomsnittsbonden får 135.890 kroner i tilskot. Totalt får norske bønder utbetalt kring 7,5 milliardar kroner i produksjonstilskot.

Lista er laga med tanke på meiroffentlegprinsippet. Både departementet og Statens landbruksforvalting ynskjer opne tilhøve, i fylgje direktør Reidar Olsen, avdeling landbruksproduksjon i Statens Landbruksforvalting, til nationen.

Lista inneheld 52 387 namn. Etter Løvenskiold på topp, fylgjer Universitetet i Ås, Heradsing AS og Ole Kristen Karlsrud, alle med over ein million kroner i støtte. (NPK)

Les meir nynorsk i Neste Klikk:


Aktuelt
Helse og samliv
Konkurransar
Kultur
Mat og drikke
Moro
Dyr
Forbruk(ar)
Nett og teknologi
Næringsliv
Reise og oppleving


Personvernpolicy