Sognefjorden arena for VM i fjordsymjing
(NPK): Einaste fjordsymjetevlinga i verda går føre seg i Sognefjorden. Sognefjord Swim Festival vert halden for andre året på rad. Fjordsymjarar frå Storbritannia, Finland, Tyskalnd, Skottland, USA, Russland og Noreg har alt no meldt interesse.
Tevlinga vert laurdag 12. august. Deltakarane skal kryssa Sognefjorden frå Borlaug i Vik kommune til Nokkaneset i Leikanger
- Det er kapasitet til å ta i mot opp til 30 deltakarar, seier Sarah Jane Halls, dagleg leiar for festivalen.
VM-tevlinga er ein del av festivalen. Sundag 13. august vert det stor folkefest i Balestrand, der store og små kan få syna kva dei kan. Forutan symjestafett får folk høve til å symja dei 400 metrane over Esefjorden frå Tjugum til Holmen.
Det var i 2004, etter Lewis Gordons Pughs vidgjetne symjetur innetter heile den 20,5 kilomer lange Sognefjorden at interessa for fjordsymjing tok til å auka. Veka etter Pughs langsetter-symjing, symde tre nordmenn, ein tyskar og ei britisk kvinne tvers over Sognefjorden mellom Borlaug og Leikanger. Og året etter var altså den fyrste symjefestivalen i gang. (NPK)