Finnmarkingar får oftast juling
Oslo (NTB): Det er første gong SSB har undersøkt kva fylke du har mest risiko for å få juling i, og tala viser store sprik, ifølgje Aftenposten.
7,1 av 1.000 finnmarkingar meldte vald i løpet av 2004. Berre 3 av 1.000 opplendingar gjorde det same. Gruppa som er mest utsett for vald er mannlege finnmarkingar, og ingen kvinner får hardare medfart enn nettopp dei i Finnmark.
Oslo kjem på andreplass. 5,8 av 1.000 Oslo-buarar meldte vald i løpet av eitt år.
Innlandsfolket ligg nedst på lista. Både i Oppland, Hedmark og Nord-Trøndelag er det lite bank å få. Sogn og Fjordane er også blant dei tryggaste fylka.
- Statistikken skildrar kva folk opplever som så grov vald at dei melder det til politiet. 85 prosent av all vald vert ikkje meldt, men den alvorlegaste valden vert i stor grad fanga opp av denne statistikken, seier forskar Reid Jone Stene i SSB. (©NTB)