Klart for bjørnejakt i Jostedalen
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: giselahofmann.de)
(NPK): Løyvet til å jakte på bjørn i Jostedalen i Sogn og Fjordane vart gjeve torsdag.
Onsdag ettermiddag fann fjelloppsynsmann Einar Fortun to nye sauekadaver i Bakkedalen i Jostedalen. Rapporten om desse funna fekk fylkesmiljøvernsjef Nils Erling Yndesdal til å gi klarsignal, melder Bergens Tidende.
- Ingen tvil, det er bjørn i Jostedalen. Vi har også funne spor av dyret, seier fjelloppsynsmann Einar Fortun etter å ha sjekka dei døde dyra, ein vaksen sau og eit lam.
Truleg er det eit streifdyr som er på ferde. Minst 11 sauer har mista livet i Gaular, Fjærland og Jostedalen.
Sist det vart skote bjørn i Sogn og Fjordane er 50 år sidan. Også den gongen vart bamsen skoten i Jostedalen, lengst aust i fylket og på grensa mot Oppland. Tidlegare var det ei bjørnestamme på Vestlandet. No kjem dyra over fjellet frå aust. (NPK)
