Øl i staden for røyk
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Ein sjimpanse i ein kinesisk dyrepark hadde lagt seg til den leie uvana å røykje ti sigarettar om dagen. No har han endeleg slutta, melder svenske Aftonbladet.
Fortid frå sirkus
Sjimpansen byrja å røykje medan han var sirkusape. Og etter at han kom til dyreparken, syntest publikum det var morosamt å kaste inn sigarettar til han og sjå på at han naut nikotinen og røykjeritualet.
Kasta ting
Då dyrepassarane prøvde å få han til å slutte, blei sjimpansen veldig sur og byrja kaste ting rundt seg. Sjimpansar liknar jo veldig på menneske, som vi veit.
Øl hjelpte
Då dei til slutt fekk avvendt sjimpansen, var det ikkje jogging og gulrøter som var metoden. Neida, øl var det som hjelpte mot røykjesuget. Etter ein øl eller to gløymde sjimpansen den noko upassande uvana. Til fordel for ei anna uvane.
Vi i nynorskredaksjonen kan ikkje la vere å trekkje ein liten parallell til innføringa av røykjelova i Noreg, som jo også har gått overraskande bra.
