Systrer syklar landet på langs
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Her på Nordkapp starta dei to jentene friskt i dag klokka tolv. (Foto: skiraware.de)
I dag byrjar systrene Anne-Sofie og Beathe Engelschiøn ferien sin. Dei har valt å bruke dei tre vekene til å tilbakeleggje dei 2600 kilometrane frå Nordkapp til Lindesnes. På sykkel.
Litt ambisiøst kanskje
Sykkelferie er den beste ferien, det er jo heilt klart. Det går sakte, ein får sjå alt, ein kan stoppe der ein vil, og alle blir imponerte. Men 2600 kilometer på tre veker?
Dei to systrene, som kjem frå Rygge men bur i Trondheim, fekk ideen om å sykle Noreg på langs på eit nachspiel. I 1 1/2 år har dei planlagt turen, men dei seier til
Adresseavisa
at dei ikkje er i spesielt god form.
Tørrtrent med telt
Ikkje har dei mykje sykkelerfaring heller, men dei har tørrtrent på å setje opp telt i hagen. På hugselista for turen står det dessutan: «Hugs å lære korleis ein brukar gassbrennaren». Råd om friluftsliv har dei søkt hos hakkespettane i Donald Duck & co.
Det gjeld nok å stå på viss dei skal greie å kome seg til Lindesnes på tre veker. (Ill.foto: abc-of-mountainbiking.com)
Vi følgjer med
Det hjelper sikkert på motivasjonen at Anne-Sofie og Beathe har lovt å halde trønderar og andre lesarar oppdaterte på korleis det går kvar dag ved å føre ein
blogg
. Kvar dag skal dei leggje ut bilde og tekst på bloggen, så då gjeld det å stå på.
Heller hårspray enn termos
Elles fortel systrene at dei har vald bort termosen til fordel for lipgloss, hårspray og sminke. Litt moro skal ein jo også ha det i ferien.
Kjelde:
Les
meir på nettet:
Bloggen
til systrene
Sykkelsystrene på
video
