Fritt fram for lærarsjikane

Lærarane er stadig oftare mobboffer når elevane no tek i bruk internett for å sjikanere og mobbe upopulære lærarar.

Denne artikkelen er over ett år gammel og kan innholde utdatert informasjon

(Foto: dsv.su.se)(Foto: dsv.su.se)

(NPK): Men skulane står makteslause: Straffar dei elevane for sjikaneringa, risikerer dei å bryte lova.

For to månader sidan vart ein elev ved Bryne videregåande skule i Rogaland utvist frå skulen i fem dagar. Årsaka var at eleven hadde hengt ut og sjikanert fem lærarar under fullt namn på sin eigen nettblogg.

Ein av lærarane vart kåra til «ukens hore». I eitt tilfelle vart familien til læraren omtala. I tillegg vart måten læraren oppfører seg på i klasserommet gjort narr av og ironisert over, skriv Dagsavisen.

Eleven som sto bak sjikaneringa fekk nedsett ordenskarakter, i tillegg til utvising. No har skulen snudd og trekt attende heile straffa.

Bakgrunnen er at advokat John Christian Elden, på vegner av Elevorganisasjonen, har konkludert med at skulen ikkje kan straffe elevar som sjikanerer lærarar eller medelevar på internett så lenge det skjer utanfor skulen. (NPK)

Les meir nynorsk i Neste Klikk:
Aktuelt
Helse og samliv
Konkurransar
Kultur
Mat og drikke
Moro
Dyr
Forbruk(ar)
Nett og teknologi
Næringsliv
Reise og oppleving


Personvernpolicy