WHO åtvarar mot omskjering av kvinner
Geneve (NTB-DPA): Over 100 millionar jenter og kvinner verda over er truleg omskorne, ein praksis som først og fremst er vanleg i Afrika.
Ei undersøking utført av WHO i seks afrikanske land viser at 6,4 prosent av barna til omskorne kvinner døyr under eller rett etter fødselen, mot 5 prosent av barna til kvinner som ikkje er omskorne.
Mørketala er truleg store ettersom undersøkinga byggjer på statistikk frå sjukehus som er vane til å ta imot barn av omskorne mødrer.
Som oftast blir jentene omskore før dei fyller ti år, og graden av skadar dei blir påført varierer med kva for land og stammar dei tilhøyrer.
- Omskjering av kvinner er ein praksis som er rotfesta i kultur og tradisjon, men det bør ikkje få fortsette. Vi må støtte dei som forsøker å få slutt på denne praksisen, seier Joy Phumaphi i WHO. (©NTB)