Opprørarar vil ikkje underteikne fredsavtale i Darfur
Artikkelen fortsetter under annonsen
Artikkelen fortsetter under annonsen
Khartoum (NTB-Reuters):Regjeringa i Sudan og den største opprørsgruppa i Darfur, Sudans frigjeringshær (SLA), underteikna ein fredsavtale for regionen 5. mai.
Ein mindre fraksjon av SLA, leia av Abdel Wahid Mohammed al-Nur, nekta å godta fredsplanen. Det same gjorde opprørarane i Rørsla for rettferd og likskap (JEM).
Dei to opprørsgruppene fekk frist til 31. mai med å underteikne, men ved midnatt natt til torsdag blei det klart at dei ikkje hadde endra syn på avtalen.
Den afrikanske union (AU), som har ein fredsstyrke i Darfur, vurderer nå å krevje FN-sanksjonar mot dei to opprørsgruppene.
Over to millionar menneske er drivne på flukt og opptil 300.000 har mista livet som følgje av krigshandlingane i Darfur dei siste tre åra.
(©NTB)