Sym dit nasen peikar
Sædceller (og forsåvidt alle andre) som veit kor dei skal, sym målbevisst, og har større sjans for å kome dit dei vil. Men korleis kan sædcellene, små tingestar på 0,06 mm vite kor det modne egget er, og spurte i den retninga?
Ein god nase
Ein god nase kan vere gull verdt. Ein omreisande handverkar eg kjenner, fortalde ein gong at han har ein god nase som hadde redda han mang ein gong.
Han var i stand til å lukte kor det var middag på gang der han gjekk på ein aude landeveg. Men viktigare var det at han også kunne lukte om det var mogleg for han å få kome inn og få smake på herligheita.
Nase for ei ope dør
Sædceller har ifølgje forskarane også ekstremt god luktesans. Dei luktar seg fram til egget dei så gjerne vil inn i.
Som kjend er det ikkje alltid døra står open, og berre ein einaste får kome inn når det endeleg er klart. Så det gjeld å skunde seg, og altså vere målretta. Då kan sædcella få bli med på moroa det er å rett og slett skape ein ny person i verda. Ein baby, som blir slik han blir fordi akkurat den sædcella kom først fram til egget den dagen.
Tredemølle for sperma
Forskarane har laga ei slags flytande tredemølle for sperma, der dei testar luktesansen til dei små krabatane.
Det kan hende at viss det er noko gale med nasen til sædcellene, kan det føre til sterilitet, i følgje Forskning.no. Dei finn rett og slett ikkje fram, dei anar ikkje kor dei skal.
Forskninga om luktesansen til sædcellene kan brukast til å bestemme sædkvaliteten, eller opne for behandling av sterile menn, meiner amerikanske forskarar.
Les meir på nettet:
Kjelde: Forskning.no
- Det er også gjort forsøk som tyder på at lukta av
liljekonvall
er noko sædcellene set stor pris på. Ogkaffi
skal visstnok få dei til å symje fortare.