Slepp latteren laus
Sjølvsagt er det sunt å le, eg treng sikkert ikkje fortelje deg det. Men veit du korfor det er så bra for deg å sleppe latteren laus?
God trim
For det første, og det har du sikkert kjent sjølv, så vil ei real latterkrampe røske tak i muskulaturen din. Magemusklar og ansiktsmusklar kan gjere skikkeleg vondt etter ei latterkule.
Du har fått litt trim, med andre ord. Morosam trim, det set du vel pris på?
Du toler meir
Dessutan så er det slik at latter kan verke smertelindrande. Ei undersøking utført ved Texas Tech på nittitalet synte at forsøkspersonar som vart underheldt av eit komishow i 20 minutt tolte langt meir smerte enn dei som ikkje fekk sjå showet.
Kanskje ikkje noko bombe, det heller, men likevel. Verd å tenkje på neste gong du skal til tannlegen, for eksempel.
Nesten slankande
Det er og ting som tyder på at latter er med på å halde blodsukkeret nede, og det må då vere godt nytt for alle diabetikarar. Kombinerer du det med det faktum at det å le hjelper på kaloriforbrenninga, kan det kanskje hende at du kastar både chrom- og cla-tilskot ut vindauget med ein nådelaus latter.
Vips - det var ti komma tre kaloriar, berre det!
Vær så god!
Men er dette i seg sjølv noko å le av, då? Nja, kanskje ikkje, men dette og dette burde vel hjelpe deg på vegen til eit betre og friskare liv. Eller kanskje denne lattermilde fyren…