Dyrehelse kan stanse akademikar-streik
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: vet.ed.ac.uk)
Oslo (NTB): 125 politijuristar og veterinærar er allereie i streik, men streikegeneral Knut Aarbakke varslar ei «relativt rask» opptrapping. Varsel om utviding kan kome allereie fredag, med verknad frå tidleg neste veke.
Streiken i politiet fører til at rettssaker må utsetjast og at varetektsfengsling ikkje forlengast. Men konsekvensane i Mattilsynet kan bli enda meir alvorlege, viss Akademikarane gjer alvor av trusselen om
streik for 700 medlemmer her.
- Vi vil i så fall be om dispensasjon for dei sentrale beredskapsgruppene som arbeidar med e.coli og fugleinfluensa, seier administrasjonsdirektør i Mattilsynet, Jarleif Nordheim til Dagsavisen.
Aarbakke seier at desse gruppene vil få dispensasjon i den grad liv og helse står på spel. Ein omfattande streik i Mattilsynet kan likevel svekke dyrehelsa så dramatisk at det kan presse fram tvunge lønsnemnd.
- Vi vil følgje utviklinga nøye, og seie tydeleg frå dersom streiken går ut over dyr si velferd og helse, seier ekspedisjonssjef i matpolitisk avdeling Gudbrand Bakken. (©NTB)
