Maten billigare enn på tolv år
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: Siste.no)
Oslo (NTB): Ein time og 59 minuttar må ein Oslo-borgar i gjennomsnitt jobbe for å fylle ei matvarekorg som inneheld det ein vaksen person et på ei veke.
Oslo er den fjerde billigaste byen å handle mat i, viser ei ny undersøking frå 16 storbyar i Europa og USA, utført av Innovasjon Norge, skriv Dagsavisen.
Innovasjon Norge har notert prisen på 18 utvalde matvarer og sett han opp mot gjennomsnittleg timeløn for industriarbeidarar i same land.
Samanlikna med kor lenge ein må jobbe for å betale for matkorga, er det berre i Haag, København og Düsseldorf forbrukarane slepp lettare unna enn i Oslo.
Innbyggjarane i Stockholm må jobbe 40 minuttar meir i veka enn oss, mens i Estlands hovudstad, Tallinn, må ein jobbe i heile fem timar og 43 minuttar for å tene nok til å fylle den same matvarekorga.
Ifølgje ei fersk MMI-undersøking er det slik at vi trur vi bruker meir pengar på mat enn vi faktisk gjer. (©NTB)
