Svensk muslimleiar krev særlov for muslimar
Stockholm (NTB-TT): I eit brev til alle parti i Riksdagen føreslår leiaren for Sveriges muslimske forbund blant anna at skilsmisser skal godkjennast av ein imam, at imamar skal gje muslimske barn i kommunale skolar separat undervising i morsmål og islam, og at gutar og jenter skal ha åtskild symjeundervising.
Sveriges muslimske forbund har 70.000 medlemmer.
Krava er fullstendig uakseptable, seier integrasjons- og likestillingsminister Jens Orback til TT.
- I Sverige skal vi vere like for lova. Vi har kjempa lenge for å ha ei kjønnsnøytral lovgiving. Å kome med denne typen forslag om at visse grupper ikkje skal behandlast som andre er fullstendig uakseptabelt, seier Orback.
Integrasjonsministeren opplyser at han har vore i kontakt med representantar for Sveriges muslimske råd, og at dei ikkje støttar forbundet si haldning. (©NTB)