Legane slaktar grøn resept
Oslo (NTB): Med ein grøn resept frå fastlegen ville tidlegare helseminister Dagfinn Høybråten både slanke og trimme oss for å forhindre at enno fleire skulle bli hjertesjuke eller få diabetes.
I ei undersøking blant 1.100 fastlegar offentliggjort i siste nummer av Tidsskrift for Den norske lægeforening, kjem det blant anna fram at tre av fire fastlegar meiner ordninga er unødvendig og at ho først og fremst var ei politisk markering.
41 prosent av fastlegane har aldri
skrive ut ein grøn resept og 31 prosent har skrive ut mindre enn fem
grøne reseptar i løpet av det halvanna året ordninga har eksistert.
- Dette er nok mer ei politisk sak enn ei medisinsk. Dei fleste legane tar dette opp med pasientane sine uansett. Då er det unødvendig å gjere dette til ei ny sak, seier professor og instituttsjef for Legeforeningens forskningsinstitutt, Olaf G. Aasland til Aftenposten.
- Heile ordninga er ei alvorlig feilprioritering av ressursar og lite hensiktsmessig, seier leiar i Alment Praktiserende Lægers Forening (APLF) og spesialist i allmennmedisin Jan Emil Kristoffersen. (©NTB)