Kvinner går også etter utsjånad
Denne artikkelen er over ett år gammel og kan innholde utdatert informasjon
(Bilde: www.tucows.com)
(NPK): For menn er utsjånad stadig det viktigaste kriteriet når dei skal velje partnar, medan kvinner i aukande grad legg vekt på utsjånad, fortel vitskapsbladet New Scientist.
Kvinner har rett og slett vorte meir økonomisk uavhengige enn før, slik at behovet for å finne ein forsørgjar er mindre. Då blir det den fysiske framtoninga til mannen som tel mest.
Det er ei forskargruppe ved University of St. Andrews i Storbritannia som har funne denne samanhengen ved å spørje 1.851 heteroseksuelle kvinner i alderen 18 til 35 år.
Di lågare kontroll kvinnene har når det gjeld pengar, di høgare prioriterer dei den økonomiske statusen hos potensielle partnarar. (NPK)
