Erkebiskop vil ha skapingsforteljinga ut av skulane
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Erkebiskop av Canterbury, Rowan Williams. (Foto: archbishopofcanterbury.org)
London (NTB-AFP): - Dersom kreasjonismen blir framstilt som ein alternativ teori på linje med andre teoriar, er det noko som skurrar, seier erkebiskop Rowan Williams til The Guardian.
- Eg er redd for at dette snarare vil bidra til å svekkje enn styrkje skapingsdoktrinen, seier erkebiskopen.
I USA rasar debatten om kreasjonismens plass i skuleverket, og tilhengjarane av teorien om at universet blei skapt av Gud hevdar at denne er like vitskapeleg som all anna utviklingslære.
Fleire amerikanske delstatar brukar læremateriell som ope stiller spørsmål ved Charles Darwin si naturvitenskapelege utviklingslære, blant anna ved å så tvil om fossilar som er millionar av år gamle og som derfor dokumenterer liv på jorda lenge før ho i følgje Bibelen blei skapt av Gud. (©NTB)
