Lastesykkel til allslags frakt
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Lastesykkelen kan også gjera nytte som sjørøvarskip (foto: www.christianiabikes.com)
Kva gjer du når du skal frakta ungar på trening eller gitaren på øving? Fyller opp bilen og trør på gassen? Hugs at det går an å bruka sykkel også.
Vanleg i Danmark
Det finst nemleg syklar som er laga for å ta meir last enn det som går på eit vanleg bagasjebrett.
Slike lastesyklar er ikkje så vanlege her heime lenger, men me treng ikkje gå lenger enn til Danmark for å sjå rikeleg av sorten.
Å sykla på to hjul er ei øving under lastesykkeltreffet i København. (foto: www.christianiabikes.com)
Syklar for alle føremål
Lastesyklane finst i mange utgåver: Med lastevogn bak eller framme, spesialbygde syklar for å frakta born i, syklar for bosplukking og iskremsal. Mellom anna.
I Danmark har verksemda «Christiania Bikes» sidan 1984 laga varesyklar av ymse slag, og eksporterer i dag til heile verda.
Dei byrja med varesyklar i den bilfrie fristaden Christiania i København, men flytte i 1990 til øya Bornholm.
Ein kan også gifta seg i lastesykkel. (foto: www.christianiabikes.com)
Lastesykkel-treff
I København har dei også eigne treff for folk med lastesyklar. Då samlast folk frå heile landet og syklar i opptog gjennom byen.
Dei har også ymse tevlingar som «lastesykkel-tautrekking», «kven kan køyra lengst på to hjul» og «beste spesialbygde lastesykkel».
Sykkelen er også eit fint framkomstmiddel til å selja is i bygatene. (foto: www.whitbymorrison.com)
Sykkel er sunt
I desse tider med CO2-utslepp, trafikkulukker, piggdekkproblem, svevestøv og astma, burde det vera mange fordelar med å la sykkelen få ta over for bilen i blant.
I tillegg er det jo så sunt å sykla. Ein styrkjer immunforsvarer og får betre kondis og det andre med det eine. Så hiv deg på sykkelen, med eller utan last!
Les meir på nettet:
Heimesida til Christiania Bikes
