Trikkedrapsmannen går fritt utan tilsyn
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: uncletaz.com)
Mannen blei erklært sinnssjuk i gjerningsaugeblinken og blei dømt til
tvunge psykisk helsevern etter at han knivstakk fleire personar på 17-trikken i august 2004.
41-åringen er innlagt på open post ved Dikemark sjukehus, og får forlate sjukehuset utan tilsyn, skriv VG.
Ullevål universitetssjukehus forsikrar at det ligg grundige tryggleiksvurderingar til grunn for behandlinga, men sambuaren til 23 år gamle Terje Mjåland som dødde av stikkskadane han blei påført på trikken, reagerer med vantru på at drapsmannen allereie kan gå fritt.
- Ingenting kan beskrive kor grusomt det har vore å akseptere at Terjes drapsmann er gal og treng hjelp. Og nå vert han sleppt fri? Han skal ikkje gå fri, seier kvinna til VG.
Norsksomaliaren sin advokat Heidi Bache-Wiig understrekar at mannen ikkje sonar straff og at det er opp til legane å avgjere kor mykje fridom han skal ha. (©NTB)
