Pølsemakar kan gi svar på bakteriemysteriet
Artikkelen fortsetter under annonsen
Artikkelen fortsetter under annonsen
Oslo (NTB): Den tre år gamle jenta frå Ringebu som før helga blei innlagt på sjukehus, kan ha blitt smitta av karbonadedeig kjøpt hos pølsemakaren.
- Vi veit at jenta blant anna har fått i seg karbonadedeig, kjøpt hos ein pølsemakar i Ringebu. Han kjøper råvarene frå oss, til liks med veldig mange andre lokale kjøpmenn i dette distriktet. Nå ventar vi på analysane, seier direktør Knut Framstad i Gilde. Analysane vil tidlegast vere klare i slutten av denne veka.
- Blir det påvist smitte i dette partiet, er vi nærmare ei løysing. Då er det kanskje muleg å finne besetninga som kjøttet stammar frå, seier Framstad. (©NTB)