Frå sigarettar til snus
(NPK): Over halvparten av dei som snusar kvar dag, er tidlegare røykjarar.
Dette går fram av tal frå snusfirmaet Swedish Match og Markeds- og Mediainstituttet (MMI).
Salet av snus i Noreg stoggar på 15,8 millionar boksar i 2005, ein auke på 16 prosent samanlikna med året før. I tillegg kjem salet til nordmenn via taxfree med om lag seks millionar boksar og grensehandelen med Sverige var på om lag 6,6 millionar boksar.
Det er om lag 305.000 snusbrukarar i Noreg, der om lag 162.000 snusar dagleg. Gjennomsnittsalderen er 39 år.
Talet på kvinner som snusar har auka til om lag 39.000, der vel 9.000 av dei snusar kvar dag.
Av dei som snusar dagleg, er 51,5 prosent tidlegare røykjarar. Berre 1,5 prosent har gått frå snusing til dagleg røyking.
Personar som snusar har høgare utdanning og inntekt samanlikna med røykjarar og totalbefolkninga. (NPK)