Haukeland med blodbank i Tanzania
Artikkelen fortsetter under annonsen
Artikkelen fortsetter under annonsen
(NPK): Blodbanken skal også fungere som eit nasjonalt opplæringssenter og er eit ledd i kampen mot hiv og aids.
Det eksisterer ikkje eit frivillig blodgjevarkorps i Tanzania i dag. Blodoverføringssystemet har så langt vore heilt avhengig av blod frå slektningane til pasientane. Noko som har ført til at sjukehusa stadig har mangel på blod.
- Mange menneske i Tanzania døyr unødvendig grunna mangel på blod. Ved å overføre kunnskapen vår, kan vi redde mange liv med små midlar, seier avdelingsoverlege Tor Hervig ved Blodbanken på Haukeland til Helse Bergen sine nettsider.
Blodbanken som no skal etablerast i Dodoma er del av eit større prosjekt med sju blodbankar over heile landet. Dei seks andre vert finansierte av USA. (NPK)