Hurra for samefolkets dag
Samane sin «nasjonaldag» blir feira over heile Nordkalotten, av russiske, norske, svenske og finske samar. Sameflagget, som symboliserer blant anna trolltromma, solguden og dei samiske fargane, er også felles for alle samar.
Første gongen dagen blei feira var i 1993, samstundes med at FN sitt internasjonale urbefolkingsår blei offisielt opna i Karasjok.
Bakgrunnen for valet av dato var at det første samiske landsmøtet blei halde den 6. februar 1917 i Trondheim. Dette var første gongen i historia at nord- og sørsamar samla seg for å diskutere felles saker og problem.
Ei sterk kvinne
Elsa Laula Renberg var, ifølgje Sametinget, ein av dei største, om ikkje den største samepolitiske leiaren vi har hatt. Det var ho sto bak møtet i Trondheim i 1917 og den første samiske organiseringa både i Sverige og Noreg.
Samefolkets dag er sidan 2004 offisiell flaggdag i Noreg. I dag blir dagen feira med lokale markeringar mange stader på Nordkalotten.
Aili feirar i Kautokeino
Sametingspresident Aili Keskitalo feirar dagen i Kautokeino der ho deltar med tale på Samisk Høgskole på formiddagen og folkefesten på ettermiddagen.
Stortingspresident Thorbjørn Jagland med følgje er også tilstades under markeringa i Kautokeino.
Gratulerer med dagen!