Huda utapå bøkene
Skinninnbundne bøker, flotte greier eller kva? Noko litt anna blir det når ein veit at skinnet er frå menneske.
I følgje Dagsavisen skjuler fleire av USA sine mest velrenommerte bibliotek makabre bokskattar.
Ikkje uvanleg
Å binde inn bøker med menneskehud var ikkje så uvanleg for nokre århundre sidan.
Nokre av bøkene tilhøyrte legar som hadde tilgang på amputerte kroppsdelar eller hud frå pasientar ingen gjorde krav på.
Henretta fangar og lik frå fattighusa kunne også risikere å få evig liv på denne måten.
Harvard
Biblioteket ved det kjende Harvard-universitetet i Massachusetts er ein av stadene ein finn bøker med omslag av menneskehud.
Også Browns John Hay-biblioteket i Rhode Island har nokre eksemplar. Der finn ein tre slike bøker, som riktignok berre er tilgjengelege for vitskapsfolk.
Passande tema
Den eine makabre boka av dette slaget ein finn på Brown John Hay- biblioteket, er anatomitekstane til den belgiske kirurgen Andreas Vesalius frå 1568. Dessutan finn ein to over 100 år gamle utgåver av Dødsdansen, ei moralforteljing frå middelalderen.
Vasstett
I følgje Aftenposten blei menneskehud brukt fordi den var billeg, haldbar og vasstett.