Mexico vil ha tilbake Moctezumas fjør
Mexico by (NTB-AFP):
Mexicos president Vicente Fox retta den første førespurnaden til Austerrike i mai 2005, men fjørpryden til Moctezuma er framleis å finne på det etnografiske museet i Wien.
Mexicanske indianergrupper har stilt seg bak kravet om tilbakelevering, og får no aukande støtte frå politisk hald.
Den mexicanske nasjonalforsamlinga ba tysdag Fox om å gjere eit nytt framstøt overfor austerrikske myndigheiter, og krevje aztekerhøvdingen sin hovudpryd i retur.
Ifølge historikarane herska Moctezuma i aztekerane sin hovudstad Tenochitlan frå 1466 til 1520, og ga sjølv hovudpryden - som er laga av fjør frå quetzal-fuglen - til den spanske conquistadoren Hernan Cortes.
Cortes skal ha sendt trofeet til keiser Karl V, og på slutten av 1600-tallet fann aztekerhøvdingen sine fjør vegen til Austerrike. (©NTB)