Fekk 70 kg reklame på eitt år
Sørum var irritert på all den uadresserte reklamen, og ville finne ut kor mykje han faktisk fekk på eit heilt år.
Privat papirinnsamling
Papirinnsamlinga tok til fyrste januar i fjor, i følgje Østlandsposten. Sørum tok var på all reklamen som kom i poskassa, inkludert innstikk i avisene.
Fyrste januar i år vog han stablane som tårna seg opp i kjellaren, og fann ut at 68,8 kilo papir hadde funne vegen ned i postkassa hans igjennom året.
Ein halv kilo i månaden
Dette betyr at Sørum, og dei fleste andre, i gjennomsnitt får ca ein halv kilo reklame ned i postkassa kvar månad. Og vanlegvis går alt rett i søpla. Fjorårets reklamelass er no også køyrt på fyllinga.
- Dette er jo ei utruleg sløsing med ressursar. Tenk kor mykje det er når ein gangar det med alle husstandande i Larvik, påpeikar Sørum overfor Østlandsposten.
Større lapp
Sørum har fått eit lite klistremerke der det står «Reklame, nei takk». Men merket er for lite, synest han. Han vil helst ikkje ha meir reklame, og skal no settje opp ein stor og tydeleg lapp.
Les meir på nettet:
Grønn hverdag
har tips om kva du kan gjere for å unngå uønska reklame.