100-årsjubilantar på frimerke
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Neste år kjem det også spesialfrimerke som er kjekke å ha når du inviterer til bursdagsselskap eller annan moro. (Foto: Posten Norge, NPK)
(NPK:) - Ved fastsetjing av neste års frimerkeprogram hadde vi ei rekkje tema og framlegg å velje mellom. Det var fleire jubilantar som fortente frimerkemarkering. Difor ser vi fram til eit spennande frimerkeår, seier direktør Halvor Fasting i Posten.
Årets jubilantar
I 2006 markerer HM Kongens Garde sitt 100-årsjubileum. Det er også 100 år sidan Noregs Mållag, Forbrukarsamvirket og Livredningsselskapet vart stifta, og det er 100 år sidan den første Svalbard-ekspedisjonen vart gjennomført. Alle desse blir heidra med frimerkemotiv i det komande året.
I tillegg vil det koma fleire nye turistmotiv, ein ny serie med ville dyr og motiv med meir marint tilsnitt.
Mange høgdepunkt
Det nye frimerkeprogrammet byr på fleire høgdepunkt. Til OL i Torino kjem det eit nytt frimerke med to av dei norske deltakarane. Kven dette er blir ikkje offentleggjort før i starten av februar.
Seinare same månad kjem ein serie med såkalla «anledningsfrimerke» til bruk i samband med bursdagsselskap, barnefødsel, dåp og annan høgtid. (NPK)