Trøytte typar og narkomane elefantar
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Christopher Nielsen har laga nye historier om dei to trøyte typane sine. (Foto: nfi.no )
Christopher Nielsen er kjend for teikneseriar og plateomslaga til Jokke & Valentinerne- bandet til Christopher sin avdøde bror Joachim.
Nielsen har også vunne fleire prisar - blant andre Sproingprisen for beste norske teikneserie to gonger.
Debut på 80- talet
Christopher Nielsen hadde sin første teikneserie i Gateavisa i 1980, og sidan har han hatt serier i både Dagbladet, Morgenbladet og Arbeiderbladet.
Morosamt men tragisk
«Uflaks» skildrar urbane traume, rusbehov, venskap som blir sett på prøve og hissig fotballsupporter som treff den nye svogeren sin.
Nielsen er kjend for å hente fram dei mørke sidene av livet, og er spesialist på å skildre det djupt tragiske på ein svært morosam måte.
Boka inneheld tre historier der me blant andre møter dei velkjende, trøtte typane Geir og Odd. Dei småkriminelle blandingsmisbrukarane diskuterer så fillene fyk, eller bare sit og gjer ingenting.
Odd og Geir. (Ill: Christopher Nielsen, frå lambiek.net)
Dei to er rake motsetningar. Geir elskar å diskutere, og er av den hissige typen som lett får angst, særleg når han er på nedtur etter fleire dagar med speed.
Odd er likegyldig til det meste, og tar alt med knusande ro. Mottoet hans er at «dersom det går folk gale, er det deira eigen feil og dei har berre godt av det». Han synest ikkje synd på nokon, og meiner streite folk ikkje eig moral.
Narkoman sirkuselefant
Sjølv om det i hovudsak er teikneseriar som ligg Nielsen sitt hjarte nærast, har han det siste året også drive med film. «Slipp Jimmi fri» er ein animasjonsfilm som snart er ferdig, og som i følgje Stavanger Aftenblad mest sannsynleg har premiere i mars 2006. Filmen handlar om ein narkoman sirkuselefant på rømmen.
- Filmen blir bra. Eg ser ikkje vekk i frå at den kan bli ein framtidig klassikar på linje med «Flåklypa Grand Prix», seier Nielsen i eit intervju med Stavanger Aftenblad.
Her røper han også at han leiker med tanken om å lage Den Store Norske Teikneserieromanen, som skal handle om menn i førtiårskrisa.
«Uflaks» har fått gode kritikkar, og var blant dei nominerte til Brageprisen i år.
