Noreg får overvakingsfly utan pilot
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: opentopia.com)
(NPK): Dersom alt går etter planen, vert det sendt ut anbodsspesifikasjonar på ubemanna overvakingsfly rett etter nyttår.
Flya vert også kalla droner eller UAV-ar (Unmanned Aerial Vehicle).
Flya vil vere ein viktig del av moderniseringa av Forsvaret.
- Ubemanna overvakingsfly har etter kvart blitt nødvendig dersom vi vil vere på høgde med oppgraderinga som skjer i andre land, seier forsvarsanalytikar John Berg til Newswire.
UAV har same funksjon som vanlege overvakingsfly, men utan at livet til pilotar vert sett på spel i farlege situasjonar eller i utsette område.
Dei største strategiske UAV-ane kan vere i lufta i meir enn 30 timar i strekk. Flya kan enten førehandsprogrammerast eller fjernstyrast frå bakken. Dei kan gi nøyaktige måleposisjonar og sende sanntidsvideo. (NPK)
