- Jokke visste at han kom til å døy
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: Jokke.nu)
Oslo (NTB): Erkjenninga kjem fram i ein hittil ukjend låt Jokke spelte inn like før han døydde i 2000.
- Han visste at dette livet ville ta slutt, og at slutten ikkje var langt unna, seier to av den avdøde rockaren sine nærmaste vener, Petter Baarli og Runar «Kula» Johannessen, til Dagbladet.
I låta som har fått namnet «På tomgang», skriv Jokke at han «er på vei ned» og om perfekte dagar som han ikkje har så «forbanna mange igjen av».
- Eg gret ein skvett då eg høyrde han igjen. Det var sterkt, seier Baarli.
Låta blei spelt inn saman med resten av albumet «Billig Lykke» som kom ut i 1999, men den er aldri blitt utgitt på plate - før no. I desember kjem «På tomgang» på CD, saman med to andre Jokke-låter.
Joachim Nielsen døydde av ei overdose heroin i oktober 2000. Musikken hans sel framleis godt, og denne veka blei det føreslått å kalle ei av Oslos gater opp etter den populære musikaren og låtskrivaren. (©NTB)
