Nisseturistar skaper forseinkingar
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: santacollectors.com)
Oslo (NTB): I desember vil opptil 25 nissefly i timen okkupere norsk luftrom.
Kvart år tek finske Rovaniemi imot 400.000 utanlandske gjester, og 90 prosent av dei er britar som flyr over Sør-Noreg, melder Bergens Tidende.
- Det blir eit massivt tog av fly. Fenomenet er ganske spesielt. Nisseflya legg til tider beslag på ein stor del av kapasiteten, seier kommunikasjonsdirektør Ove Narvesen i Avinor. Han seier nissetrafikken er så stor at den legg restriksjonar på den norske flytrafikken.
- På dei mest utsette tidene på føremiddagen og kvelden kan ekstratrafikken føre til forseinkingar i den øvrige flytrafikken på inntil ein halvtime, seier informasjonssjef Jo Kobro ved Oslo Lufthavn.
Turiststraumen til nissebyen Rovaniemi er blitt så stor at Avinor har sett seg nøydd til å informere Samferdsledepartementet om fenomenet. (©NTB)
