Ventemottak klart på nyåret
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: UDI)
(NPK): Mottaket blir lagt til Lier kommune i Buskerud.
Ventemottaket vil truleg stå klart på nyåret.
Fram til mottaket er på plass skal ingen bli kasta ut av dei ordinære mottaka, melder Utlendingsdirektoratet.
Alle asylsøkjarar som framleis er i Noreg vil bli bydd kost og losji i statlege mottak.
Personar som alt har flytta ut av mottaka, skal få høve til å bu i eit asylmottak i tida fram til ventemottaket opnar.
Ventemottaket, som vil ha plass til 100 personar, skal vere et ope og frivillig butilbod til personar som har mista tilbodet i asylmottak etter avslag på søknaden om asyl.
Det er først og fremst personar som politiet har problem med å transportere ut av landet, og som ikkje samarbeidar om retur, som får tilbod om å bu på dette mottaket. UDI påpeiker at desse personane oppheld seg ulovleg i landet.
Bebuarane skal få informasjon om returordningar og det blir sett i gang tiltak for å fremme motivasjon, ifølgje direktoratet. Mottaket skal ha ein nøktern standard med enkel forpleiing. (NPK)
