Internettkamera redda liv
Bergen (NTB): Kameraet gjer det mogleg å sjå stova til Jordal frå datamaskiner verda over.
- Eg takkar kameraet og sønene mine for livet, seier Karin Jordal til Bergens Tidende på telefon frå sjukesenga på Desert Valley Hospital i California.
Ein av dei to sønene, Ole Jordal, bur i Jordalen i Bergen. Den andre sonen, Tore Jordal, bur på Filippinane.
Det var Tore Jordal som oppdaga at noko var gale, då han sat framfor datamaskina si på Filippinane. Han såg at mora låg urørleg i stova, og ho svarte ikkje då han prøvde å ringje til henne.
Etter å ha forsøkt å komme gjennom på telefon til politiet i USA uten resultat, ringde han til bror sin, Ole, i Jordalen. Der tok kona til Ole straks affære og fekk kontakta ambulanse i Piñon Hills, der mor til Jordal-brørne bur i California. (©NTB)