Norske menn er for lite romantiske
(NPK): Men dei er flinkare på bygda enn i tettbygde strøk. Det viser ei undersøking Norstat har gjort blant 1.500 kvinner i Noreg, Sverige og Finland.
74 prosent av dei spurde norske kvinnene hevdar dei har funne mannen i sitt liv. Medan 71 prosent svenske og 65 prosent finske kvinner meiner å ha gjort det same.
Dei heldigaste kvinnene finn vi på landsbygda, her har heile 82 prosent funne den store kjærleiken, melder analysebyrået.
Undersøkinga hevdar og at norske menn bør bli meir romantiske. Fire av ti norske kvinner drøymer om at kjærasten eller ektemannen oftare skal behandle dei som prinsesser.
Svenske menn er ifølgje spørjeundersøkinga mykje dyktigare enn nordmenn på kvinnesmiger. Berre tre av ti svenske kvinner svarer at dei skulle ønskje mennene oftare gav dei litt meir «kongeleg» behandling. (NPK)