15 skadde under jordskjelv i Tyrkia
Artikkelen fortsetter under annonsen
Artikkelen fortsetter under annonsen
Skjelvet blei målt til rundt 6 på Richter-skalaen og hadde senter i Egeerhavet, rundt 40 kilometer sørvest for den tredje største byen i Tyrkia.
Minst 15 menneske blei skadde etter å ha hoppa ned frå vindauge og balkongar etter jordskjelvet, mens andre havna på sjukehus med hjerteproblem.
I landsbyen Urla nær Izmir fall fire hus saman under skjelvet, men alle var ubebodde. Ei stor fabrikkpipe raste også ned, men ingen kom til skade.
Mange av innbyggjarane i Izmir valde å tilbringe resten av natta under open himmel, av frykt for etterskjelv.
Seinast måndag blei 30 menneske skadd då tre jordskjelv som blei målt til mellom 5,6 og 5,9 på Richter-skalaen ramma området. (©NTB)