Då Jens var ung
1980 - EIT TILBAKEBLIKK
60 land
, inklusive Noreg, bestemmer seg for å boikotte vinter-OL i Moskva pga. Sovjet sin okkupasjon av Afghanistan.
I USA
lanserer Ted Turner nyhendekanalen CNN, mens skodespelaren Ronald Reagan blir valt til landets president.
Her heime
er det Oddvar Nordli (Ap) som er statsminister, men han skal bli avløyst av vår første - og hittil einaste - kvinnelege statsminister, Gro Harlem Brundtland, året etter.
Den første
persiske gulf-krigen er eit faktum då Irak invaderer Iran i august 1980. Krigen varar i åtte år, og blei seinare sett på som ein slags opptakt til Irak sin invasjon av Kuwait.
Meir enn 20 000 menneske
blir drepne i eit jordskjelv i Algerie. Innanlands er det ulukka med Aleksander Kielland-plattforma som pregar året. Oljeplattforma får slagside og veltar, og 123 menneske døyr.
«
Another brick in the wall»
med Pink Floyd, «Forelska i lærer'n» med The Kids og« Babooshka» med Kate Bush er landeplager på radioen dette året.
På det store lerretet
rår «Star Wars V: The empire strikes back» med Harrison Ford som Han Solo og Carrie Fisher som Princess Leia, medan TV-sjåarane koser seg med amerikansk komedie i «Forviklingar» og «Cheers».
Dette er altså litt av bagasjen til medlemene av regjeringa Stoltenberg: Afghanistan, Irak og Star Wars. Lite nytt under sola, kan ein bli freista til å seie.