Hardangervidda blir vinnaren
Prognosane som Samferdsledepartementet legg fram i samband med
proposisjonen om Hardangerbrua viser at trafikantane truleg kjem til å ta vegen over Vidda, og at heilårsvegen over Haukeli og stamvegen over Valdres og Sogn kjem til å få monaleg mindre trafikk.
I dag er om lag 1.100 køyretøy i døgnet som brukar ferjesambandet over Hardangerfjorden. Den nye brua vil få langt bortimot ei dobling av trafikken, meiner Samferdsledepartementet, som trur at døgntrafikken vil bli om lag 1.950
køyretøy. Dermed vil trafikken over Hardangervidda auke frå 900 til 1.300 når brua er ferdig.
Tilsvarande vil den såkalla årsdøgntrafikken på E134 over Haukeli gå ned frå 1.100 til 1.000, medan E16 over Gudvangen og Valdres vil få ein pårekna reduksjon frå 1.350 utan bru til 1.000 med ny Hardangerbru på plass. (NPK)
Fleire nynorsk-artiklar: Nynorsk
- Helse og samliv
- Kultur
- Mat og Drikke
- Moro
- Nett
- Nyhende
- Konkurransar